An Gwyns I'n Helyk

Yth yw "An Gwyns i'n Helyk" classyk a lien flehes. Yma peswar chiff person i'n lyver, logosen dowr, goodh'or, brogh ha cronak, hag ymowns y oll ow cowsel hag owth omdhon kepar ha mebyon tus. Dhe notya kefres yw kebmys a gefyr i'n novel a gevrinyeth, a aventur, a voralyta hag a felshyp inter an bestas aga honen. Sherp inwedh yw an aswonvos i'n lyver a'n dyvers dosbarthow socyal a Bow an Sowson in termyn Edward VII. An auctour, Kenneth Grahame, a ostyas in Ostel Greenbank, Arwednak, rag termyn i'n vledhen 1907, hag ev a dhalathas screfa y novel bras i'n tyller-na i'n form a lytherow dh'y vab, Alistair. In gwir yth hevel bos radn a natur an Cronak i'n lyver grondys war Alistair Grahame y honen, a wrug y vewnans troblys gorfedna kyns es y ugansves pedn bloodh. Dres pub tra aral, bytegyns, yma "An Gwyns i'n Helyk" ow ry dhyn pyctur a bow natural Nans Dowr Tamys moy es cans bledhen alebma. An novel re beu meurgerys gans flehes dhia ban veu dyllys rag an kensa pres i'n vledhen 1908. -- ...